Premor Kobita

কোনে কয় প্ৰেমৰ স্পৰ্শত স্পন্দিত হয় পাষাণ প্ৰতিমা? গজে জানো এবুকু বালিত যশোধৰা মন? মনক সুধিলেই কব তেজাল ঘোঁৰাবোৰে কেনেদৰে অতিষ্ঠ কৰিছে বুদ্ধৰ পাহাৰ। কেনেদৰে পাৰ হৈ আছে ৰাতিৰ এন্ধাৰ? হে মায়া, তুমি যদি সূৰ্যতকৈও অধিক তেজাল ফুলতকৈও আৰু কোমল এটি অনাদি চেতনা হোৱা তেনে,স্বাগতম জনোৱা এনে এটি প্ৰভাতক যত থমকি নৰয় হেজাৰ শৰত । Premor Kobita Hd Images-

গাত মুগা সাজ আৰু মূৰত পাগ মাৰি কঁকালত টঙালি আৰু হাঁচতি বান্ধি তোৰ বুকুৰ বাকৰিত সেউজীয়া বহাগে নাচে বিহু নাচ । Premor Kobita Hd Images-

আজিৰ বতাহজাক মইনাজান মৌযেন সুহুৰি মুক্ত খিৰিকী অথবা পদূলিমুখত আমোলমোল সুৰভি । Premor Kobita Hd Images-

কোনোৱে গাব খুজিছে গাঁওক মৰুৎ সেউজৰ গোপন মন্ত্ৰ আকালৰ আকুল ৰাতি মেঘ দেখিলে ভাল লাগে মোৰ শইচৰ হেঁপাহ পানী পানীৰ পৰশত পদুম । Premor Kobita Hd Images-

ধকধকীয়া বগা চাদৰ উকা চিলিঙৰ বিনন্দীয়া শোভা অন্ধতাৰ নঙলামুখ  চন্দন ধূপৰ ভাঁহিঅহা সুবাস । Premor Kobita Hd Images-

হাঁহি মাৰি কথা পাতিম আহিবিচোন কিৰিলি পাৰি ৰঙো বিচাৰিম পাহৰিছ তই... ঘোপ মৰা সূৰুযৰ মানিকী মধুৰী আমিয়েই জীৱন্ত সৈনিক। Premor Kobita Hd Images-

অ আজি  মই  তোমাক জানিবলে  মন গল, সত্য মোৰ হেৰুৱা সন্মান ? মই  সন্মান  দিলোঁ তুমি  শ্ৰেয় শ্ৰেয় লৈ হৃদয় দিলোঁ তুমি সপোন সপোনত তুমি আপোন,মোৰ দাপোন দাপোন চাই  কলিজাখন জোকাৰিলোঁ মুদ্ৰাখিনি পৰিল, ছিটিকিল  কলিজাখনো কলিজাৰ  তেজখিনি  মুদ্ৰাত  লাগি  সৰকিল থম'কিল কয়লাৰ কলাখিনি নাজানো কেনেকৈ ? Premor Kobita Hd Images-

ক্ৰমে ক্ৰমে মই মৰি আহিব ধৰিছো জানা? আজিকালি একোৱেই ভাল নলগা হল মোৰ : আকাশ,জোনাক,নদী,গান। আনকি কবিতাও.... অথচ চোৱা, কবিতা-সন্ধ্যা বুলিলে উন্মাদ হৈ পৰাটো ময়ে জানো নাছিলো ? সাগৰ-নিলাভ আকাশলৈ আঙুলিয়াই ময়ে জানো তোমাক কোৱা নাছিলোঁ- "চোৱা চোৱা,সৌ আকাশ ইমান বহল ! ইমান সৌন্দৰ্য্য ! তোমাৰ প্ৰেমতকৈও..." জোনাকৰ স্নিগ্ধ কোমল ৰাতিবোৰত নদীৰ পাৰত বহি প্ৰথম তুমিয়ে জানো উন্মাদিনী হৈ পাঠ কৰা নাছিলা মোৰ কবিতাবোৰ... বৰফতকৈও অধিক শীতল হৈ পৰিছিল মোৰ প্ৰেমিক হৃদয়; অথচ,আজিকালি একোৱেই ভাল নলগা হল মোৰ : আকাশ,জোনাক,নদী,গান । আনকি কবিতাও..... Premor Kobita Hd Images-

পোন্ধৰ টোপাল জোনাকে গঢ়া  আঙুলিৰ আগত থমকি ৰল তোমাৰ কবিতাটি পুখুৰীৰ স্থিৰ পানীত গছৰ ঠেঙুলীত পদূলিৰ দুবৰিত, মোৰ দুহাতত হাউলি পৰে তোমাৰ কেশৰৰ সুবাসযেন সুগন্ধি কাগজখিলা আৰু চকুত ভাঁহি উঠে চকু ডাঙৰ খঙাল চেহেৰাটো সেয়েহে মোৰ আজিও জোনাক বুলিলেই ভাল লাগে ... Premor Kobita Hd Images-

উকা উকা পদূলিত ধুঁৱলি কুঁৱলী গধূলিত ল' মোৰ ৰজনীগন্ধাৰ গোন্ধ, টেঙেচি টেঙাৰ গুলপীয়া ফুল নাৰিকলৰ চুকুৰাৰ কাতিমহীয়া জোন স্নিগ্ধতাৰ সুৰীয়া গান মোৰ শুন  শীতল মলয়া মোৰ ঐ ৰুণজুন। Premor Kobita Hd Images-

প্ৰিয়তম শব্দৰ সাঁকোডালৰ গঁজালি মেলিল বন্ধনৰ দেৱাল ভাঙি-ছিঙি প্ৰভাটি পুৱাতে ফুলো ফুলিল ডালত উঠি পাখি গজা  মইনাৰ মাতৰ পৰশ পাই সেই কেকটাছজোপাত ফলো লাগিল ফল যিয়েই কিয় তুমি তাৰ এফাল  আৰু মই আধাফাল । Premor Kobita Hd Images-

কিনো যাদু আছে  তোমাৰ দেউলগা হাতত এৰি গলা মই এৰিব পৰা নাই কিনো মায়া আছে  তোমাৰ মৌপিয়া মাতত ঘোৰ নিদ্ৰাটো তাকে শুনা পাওঁ। তোমাক সজালে সাজোঁন পিন্ধালে কাঁচিজোন নূপুৰে বাজে ঝুনুক ঝুনুক। Premor Kobita Hd Images-

হৃদয়ৰ কোনোবা কেঁকুৰিত কুলিয়ে মাতিছে এদিন, দুদিন,বহুদিন... তুমি হাঁহিলে কৃষ্ণচূড়া ফুলে মাতত জীপাল আশাবোৰ দোলে তোমাৰ কজলাদেহা অজলাভাষা আৰু এই ৰিব ৰিব বতাহজাকত আঁচলত বন্ধা শব্দই লাহৰি সুহুৰি মাৰে এদিন,দুদিন,বহুদিন... Premor Kobita Images -

মই হব বিচাৰো শুভ্ৰ আহি শেৱালিৰ দৰে সীমাহীন সুগন্ধি বিলাবলৈ, নিবিচাৰোঁ থাকি মই তলসৰা গন্ধহীন মদাৰ হৈ । মই হব বিচাৰো আকাশৰ পুৰ্ণিমা জোনৰ দৰে পৃথিৱীত পোহৰ বিলাবলৈ, নিবিচাৰোঁ হব মই জোনাকী পৰুৱাৰ দৰে আউসীৰ আন্ধাৰত বিলীন হবলৈ। মই হব বিচাৰো এগচি বন্তিৰ দৰে  আনক পোহৰ বিলাবলৈ, নিবিচাৰোঁ মই নিজেই উজ্জ্বল হৈ আনক আন্ধাৰত ৰাখিবলৈ। Premor Kobita Images -

তোমাৰ জিলিকি উঠা পদুমৰ ৰঙীন পাখিতি হেৰুৱালে মোৰো বোলছবি বুলোৱা হেঙুল মনটোত দুখে আছাৰকণি মাৰে। Premor Kobita Images -

কেঁচা টোপনিৰ বিৰক্তিৰে শুবলৈ লওঁতেই চাৰিওফালৰ পৰা আধাফুটা মাত কত পুৰুষীয়া সেইবোৰ লোহা যেন কাঠ কেনেকৈ ঘূণে তাত বহুৱালে দাঁত! Premor Kobita Images -

কলিজাৰ কানন পৰশি গানৰ  চৰাই উৰিছে পুলকিত পৰাণৰ শ্যামল বেদিত  শেৱালি সৰিছে সৌৱা চিত-মতলীয়া বতাহ বলিছে। Premor Kobita Images -

ঢল-পুৱাতে নিহালি নেওচি কেঁহেৰাজ বৰণীয়া চাহৰ বাটিতো উদৰ পূৰাই ঢোকা ঢোকে গিল শাত পেলাই ল কলিজাৰ জুই। Premor Kobita Images -

তুমি মোৰ কবিতা পঢ়া নাই কেনেকৈ পঢ়িবা ? অনুবাদৰ অংকটোৱে ভুল হল  আঁহতৰ তলত বহা নাই কেনেকৈ বহিবা ? ৰোমালত চেনী থোৱাই ভুল হল । Premor Kobita Images -

যাৰ বুকুত ফুলে গোলাপ খৰিকাজাঁই তাৰ বুকুতে হেজাৰ কবিতাই গুণ গুনায় । Premor Kobita Images -

হেমন্ত শুৱনি সোণালী ধানে পকাধান সোণগুটি ৷ পথাৰ শুৱায় পূৰণ জোৰায় দাৱনীয়ে বান্ধে মুঠী ৷৷ Premor Kobita Images -

বৰষাৰ আঁৰে আঁৰে শেৱালিৰ পাহে পাহে জোনাকৰ ভালপোৱা শৰতৰ মনোমোহা। Premor Kobita Images -

পুৱঁতি পুৱাতেই ঘূৰিবা একেলগে শেৱালি বুটলিম, পাহিবোৰ লেখি  লেখি নিয়ৰত সেমেকি সেমেকি । Premor Kobita Images -

প্ৰকৃত সংগী যদি সোণৰ বাঁহীত ফুঁ দিব জানে যমুনা কঁপাব জানে ৰুণজুন জুনুকাৰ ধ্বনিৰে হৃদয় জুৰাব জানে । Premor Kobita Images -

নান্নং-নবস্ত্ৰ‌ং গলিটোলৈ সোমাই যোৱা ছোৱালীজনীক --- এতিয়া আৰু চিনিব নোৱাৰি তাই এন্ধাৰত এন্ধাৰ হৈ গ'ল। ঢিমিক-ঢামাক চাকিৰ পোহৰে আৰু পোহৰাব নোৱাৰে তাইৰ লাজ। জেং-জাবৰ দি বাৰুকৈয়ে পুতি থলে বহাগ অহাৰ বাট । Premor Kobita Images -

এই নিৰিবিলিত স্ৰোতস্বিনী তোমাৰ যে সেউজীয়া গদ্যভূমি আন্ধাৰ পোহৰৰ সহজলভ্য পাঠশালাত বৰ্ণমালাৰ উত্থান। মানুহৰ মাজতেই মানুহৰ পৃথিৱী।। পদস্থলীত ৰুণুজুনু, উজানৰ মাছ,বেলি বেলি লগা তোমাৰ ওঁঠ, যৌৱনৰ গোন্ধ বাৰুকৈয়ে।। সেই গতিৰেই সেই নৈ যে অতিক্রান্ত হয় ছমাহ বছৰেকত তোমাৰ গধূলিত ৰজনীগন্ধা সিঁচি।। সন্ধ্যা অথবা ৰাতিৰ পানশালাত জোনাকৰে গান... গছ বিৰিখত সৰি পৰে ৰাতিৰ গোন্ধ.... তাৰপিছত দ্ৰুততৰে মানুহবোৰ ব্যস্ত হৈ পৰে।। বান্ধৈ আজি যে অভেদ্য প্ৰাচীৰ বলুকাত মৃত মানুহৰ ছাঁ। Premor Kobita Images -

বাঁহীৰ দীঘল মাত এটাৰ দৰে গাভৰুজনী ফুটপাথেৰে পাৰ হৈ গৈছিল বতাহৰ গায়ে খেদি ফুৰিছিল তাইৰ গাৰ মাত শ শ তৰাফুঁলৰ দৰে তাইৰ নখত ওলমি পৰিছিল বাটৰ লাইটবোৰ খহি পৰিছিল দেও দি থকা ৰাষ্টাৰ শিঙাবোৰ সোণৰ খনিবোৰে বেংকৰ দুৱাবোৰে গাভৰুজনীৰ গোৰোহালৈ ৰ লাগি চাইছিল সৰু সৰু পাণ দোকানবোৰ তাইৰ কাষলৈ উঠি আহিছিল মেলা চুলিকোছা আঁতৰাই তাইৰ মুখখনে নগৰখনলৈ চাই মিচিকিয়ালে তেজৰ দৰে ৰঙা হৈ গাভৰুজনীৰ গোৰোহাৰ পৰা শকত তপিনালৈ এটা হাঁহিৰ সাধুকথা উঠি আহিল । Premor Kobita Images -

বাঁহীৰ মাতত বেলৰ ফাটত মৌৰ চাটত আজিকালি তোমাৰ কণ্ঠ শুনো। জোনাকী বাটত কঁকালৰ ভাজত পুতলা নাচত আজিকালি তোমাৰ আগমনৰ বাতৰি পাওঁ। মলিন ভাৱত মলয়াৰ বানত কুলিৰ কাণত আজিকালি তোমাৰ লাজৰ উৰুনিখন দেখোঁ। গছৰ ডালত মকৰাৰ জালত মই নিজানত তোমাৰ সেই জটিলতাৰ উমান পাওঁ। ৰজনী-প্ৰভাতত মোৰ প্ৰাণত স্তব্ধ নিশাহত মোৰ সেই নিলগতাৰ উমান পাওঁ। Premor Kobita Images -

মোৰ আমন্তণত আহিনৰ ৰ'দ এচেৰেঙা মোৰ হৃদয়ৰ খিৰিকী খুলি সোমাই আহিল এডৰা সুগন্ধি সুবাস মোৰ ফুলশ‌য্যাৰ নিশা টোপনিৰ ভয়ত পলাই ফুৰিছে নিয়ৰ শেৱালিয়ে চুইছে  মোৰ দেহ ৰো মন এক কঠিন নির্ভয়তা নিষ্পাপ নির্ভয়তা আন্ধাৰ গৰকি সোমাই আহে দহখন হাতৰ অভয়ৰ মুদ্ৰা মোৰ হৃদয়ৰ আন্ধাৰ কোঠাত কোনে জানো সজাই থৈ গ'ল শাৰদীয় ফুল এথোপা। Premor Kobita Images -

মমৰ শিখাৰ দৰে জ্বলে অনুভূতি ; বাসনাৰ কেন্দ্ৰবিন্দুত বিলীন হয় উন্মাদ বসন্ত ; তোমাৰ হাতত হাতখন থওঁতে জোনাক নামে মনলৈ সুদূৰৰ তৰাত বাঁহীৰ সুৰ শুনো ; তৰাই তৰাই  উলাহৰ বাতৰি  সিঁচৰতি হল ; প্রহৰে প্রহৰে জাগ্ৰত দুচকুত প্ৰভাতৰ স্বপ্ন ; বিজুলী চমকেৰে লাজুকী হাঁহি তোমাৰ ওঁঠত । Premor Kobita Images -

মোৰ ওঁঠত সেয়া কাৰ কৰুণ মাত ফুটিছে কোনে মাতিছিল মোক ইমান কৰুণকৈ ? মোৰ মনত নপৰে ! দেখাৰ পিছতো দেখোঁ চিনি নেপালোঁ আর্চিত মোৰ মুখখনিৰ মাজৰ পৰা মোৰ ফালে কৰুণভাৱে চাই থকা কাৰোবাৰ মুখ এখনি । কাৰ শোকৰ চকুলোৱে আহি  মোৰ হৃদয় হেঁচি ধৰিছে ? দুচকু মুদিও মই দেখোঁ একো নেদেখা বুলি কাকো কব পৰা নাই কাৰোবাৰ কৰুণ মুখ এখনি দেখোঁ বাৰে বাৰে মোৰ স্বপ্নত ভাঁহি উঠিছে মোৰ হৃদয়ত নে দেহৰ আন কৰবাত কত লুকাই থাকে তেওঁ ! আহক,মই মোৰ দুচকু বহলকৈ মেলি দিছোঁ: মোৰ ফালে তোমালোকে এবাৰ দীপ্তনয়নে চোৱা কিজানিবা তোমালোকৰ দুচকুৱে মোৰ দুচকুত তেওঁক বিচাৰি পোৱা ! Premor Kobita Images -

তোমাৰ আগমনৰ বাতৰিত সূৰ্যমুখী ফুল ফুলে  পৰিস্ফুট হয় আঘোণৰ পূৰ্ণেন্দু ৰঙত উপচি পৰে আকাশ-বতাহ। তোমাৰ আগমনৰ বাতৰিত সোণোৱালী শইচে হাতবাউলি মাতে, দুবৰীৰ দলিচাত মুকুতা হৈ নিয়ৰ জিলিকে, তোমাৰ আগমনৰ বাতৰিত মন হয় উল্লসিত বিকশি প্ৰকাশি উঠে মন বৃন্দাবন কল্লোল হৃদয়ৰ উঠে যমুনাত। তোমাৰ আগমনৰ বাবেই অন্তহীন বাৰ্ষিক প্ৰতীক্ষা মোৰ আহি থাকিবা তুমি মোৰ জীৱন-যৌৱন আৰু বাধ্যকৰ সহচৰী হৈ - তোমাৰ আগমনৰ বাতৰিত নাচি উঠক বৃন্দাবন ফুলি উঠক সূৰ্যমুখী মুকুতা হৈ উজ্জ্বলি উঠক দুবৰীডৰা মোৰ। Premor Kobita Images -

অৰণ্যত জিৰিজিৰি মানুহৰ খোজ ।। বৰ্ণমালাৰ উৎসৱে কিদৰে পাৰ ভাঙি নিয়ে  সীমাৰ নতুবা চাৰিসীমাৰ। নতুন মানুহৰ সন্ধানত অবিৰত সেই সমুদ্ৰ জাহাজ তোমাৰ দুচকুৰে বাগৰি যায় সৰিয়হ শস্যৰ জোনাক প্ৰেমৰ কাঁঠগৰাত বন্দী হৈ পৰে মানুহৰ দুহাত, সমগ্ৰ শৰীৰ হয়তো হৃদয়... সেউজীয়াবোৰ জানো কোনে  চাৰখাৰ কৰি থৈ গ'ল বৰ্ণমালাৰ ভৰত দোঁ খাই পৰে যৌৱনৰ দিন-ৰাতি সকলোবোৰ।। বসুন্ধৰা, ঢৌ লেখি জোনাকবোৰ আঁতৰি গল চাগে সন্ধ্যা হঠাৎ নামে অহা যোৱা কৰে আজিৰ মানুহ। প্ৰেমৰ নিৰ্বাচিত এলেকা বহু দূৰৈত  তুমি দূৰৈত ময়ো দূৰৈত দুহাতেৰে আঁকোৱালি লৈ যদি তুমি মোক প্ৰেমৰ ৰূপোৱালী আকেৰে নৱজন্ম দিলেহেঁতেন ।। Premor Kobita Images -

এখন নিচাৰ হোটেলত অমিতাৰ টুকুৰাবোৰ মই আৰু তুমি চোবাইছিলা চেৰীফল । মই গিলাচত ঢালিছিলোঁ তোমাৰ প্ৰেমৰ নিচিনা গভীৰ নিচা। বিচাৰিছিলোঁ বাহিৰত সময় হ'ক অনুৰ্বৰ। কেৱল মই হব বিচাৰিছিলো তোমাৰ প্ৰেমেৰে উৰ্বৰ। তোমাৰ চুলিৰ গভীৰত বাট হেৰুৱা নাছিলোঁ, তোমাৰ চকুৰ জিলিকণীয়ে মোক পোৰা নাছিল, তাৰ আগৰ ৰাতি মই সপোনত অঘৰীবোৰ দেখিছিলোঁ যিবোৰে অতীতত বাস কৰিছিল আৰু নামিছিল, মোৰ ভৱিষ্যতত ! ... অমিতাৰ টুকুৰাবোৰ শেষ হৈছিল আৰু চেৰীবোৰো। টেবুলখনত নামিছিল মৌনতা খালি গিলাচত যি ৰৈছিল সেয়া ঠিক  অঘৰী এজনৰ ভাৱনা। Premor Kobita Images -

নৈয়ে নগ্ন কৰি অনা অৱশিষ্ট অৰণ্যত মোৰ বিষণ্ণ গধূলিৰ গানবোৰ পৰি আছে হেৰাই আহিছে প্রিয় চৰাই ক্ৰমে কমি আহিছে মোৰ মাটি ভঁৰালৰ ধান আকালে হাত পৰি ৰৈ আছে চোতালত  খোলা আছে দুৰ্ভিক্ষৰ জপনা মোৰ গান নাই,ধান নাই যুদ্ধহীন বধ্যভূমিত মই এজন নিমাখিত খেতিয়ক  ৰৈ আছোঁ । Premor Kobita Images -

কল্পনা এক সাগৰ আকৌ অবাস্তৱ কল্পনা অৰ্থহীন, এই সকলো জানিও আজি মই কৰিছোঁ কল্পনা। দিবাস্বপ্ন এক মনৰ সান্তনা মাথোন এই অবাস্তৱ স্বপ্ন নহয় কেতিয়াও বাস্তবময়। সকলো জনাৰ পাছতো আজি মই তোমাৰ প্ৰেমত অন্ধ... সময় বাগৰি গল তুমিও হলা বহু পৰিৱৰ্তন মই তোমাক চিনিবই নোৱাৰিলোঁ  তুমি কেনেকৈ মোৰ পৰা আঁতৰি গলা নৈৰ কোবাল সোঁতে  সৰু সৰু বালিঘৰবোৰ ভাঙি নিয়াৰ দৰে...। তুমিও মোৰ হৃদয়ৰ সৰু আশাৰ পজাতি ভাঙি... তথাপি মই ভাগি নপৰিলোঁ তোমাৰ সতে মোৰ এই ধৰি ললোঁ এক দিবাস্বপ্ন বুলি। Premor Kobita Images -

তোমাৰ নামতেই আশাৰ বন্তি জ্বলাই সজাল কঠিয়াৰ মনপুহি ধান সিঁচি দিলোঁ। বাৰিষাৰ মূলধাৰ বৰষুণ হৈ শাওন নামে, ধুই নিয়ে উদং পথাৰৰ উপেক্ষাৰ যান্ত্ৰণা। হালোৱা ককাইৰ নাঙলৰ মুঠিত সাৰ পাই উঠে মোৰ ভৱিষ্যতৰ জোনাকী স্বপ্ন, ৰামধেনুত ৰং বুলোৱা ৰাংঢালী ৰোৱনীজনীয়েও গুজি দিয়ে আশাৰ কঠীয়া, উদং প্ৰকৃতিৰ বুকু সোৱাই দেখা দিয়ে প্ৰেমিকৰ সেউজীয়া সম্ভাৱনা। Premor Kobita Images -

পাৰুল, বাটে-ঘাটে তোমাৰ কৃষ্ণচূড়া তেজ ৰঙা চোলা তোমাৰ হিয়া সেউজীয়া বুটাম খোলা সকলোৰে মনত তুমিয়েই দিলা প্ৰেমৰ দোলা কেনেকৈ পাৰুল তুমি ইমান ধুনীয়া হলা। আকাশ জুৰি গুণগুনকৈ ভালপোৱা গীত গালা কিন্তু.. সেয়া আজি অতীত এইবাৰ জানা... সেয়ে এইবাৰ কপৌ নুফুলিল লঠঙা শৰীৰ। পাৰুল তুমিতো নহয় আকাশৰ কজলা নীলা, তথাপি তুমি মোৰ আপোন আৰু স্বাধীন আবেলি হেঙুল আকাশৰ এখন ৰঙীন চিলা। Premor Kobita Images -

ক'ত থমকি ৰ'ল সুবাস তোমাৰ তোমাৰ মুখৰ গোলাপী হাঁহি  আৰু সূৰ্যমুখী কণ্ঠ, তোমাৰ সুবাস স্বপ্নত পালেও সাৰে থাকোঁ মই কিজানিবা সেয়া তুমি... ক'ত থমকি ৰ'ল জীৱন তোমাৰ এটি মধুৰ আৱেশ ভৰা শব্দ আৰু ভালপোৱা আমাৰ, তোমাৰ ভুৱন ভুলোৱা হাঁহিৰ আভাষ পালেও নিজতে হেৰাও মই কিজানিবা সেয়া মই বিহীন তুমি... প্ৰকৃতিৰ অপাৰ মহিমা ডিঙি মেলি মেলি চাওঁ এসাগৰ সাঁচি ৰখা মৰম আৰু সহস্ৰ দুখ  বুকুখন গধুৰ হৈছে বিলাবও মন নাই পৃষ্ঠাবোৰ খুলি কত গলা হে                               শব্দ তুমি ??? Premor Kobita Images -

দুখত পাৰ হৈ গল এটিকৈ যাযাবৰী নিশা নিৰৱে আঁতৰি গল সকলো মোৰ কাষৰপৰা নিথৰুৱা হৃদয়ৰ কথা কাৰ লগত বিনিময় কৰিম? কাক মোৰ বুকুৰ কথা কম? ইচাত-বিচাট কৰি এটি এটি ৰাতি দুখবোৰ মনৰ মাজতে লৈ পাৰ কৰি দিলোঁ, বুকুৰ উদং ঠাইত লৈ ফুৰিছোঁ মাথোঁ আশাৰ কিৰণ, কল্পনাহীন হৈ উৰি ফুৰোতে মোৰ জীৱন হৈ পৰিল কল্পনাময়, মাথোঁ মনৰ বুকুচাত লৈ ফুৰিছোঁ এবোজা ভাষাহীন যন্ত্ৰণা। যন্ত্ৰণাত দগ্ধ মোৰ হৃদয়... যাক ভালপাওঁ বুলি স্বীকাৰ কৰিব নোৱাৰোঁ তোমাৰ ভালপোৱা, এনেকৈ দহি শেষ হৈ গৈছে মোৰ হৃদয়, নিসংগতাৰ মাজেৰে যাক ভালপাওঁ বুলি স্বীকাৰ কৰিব নোৱাৰোঁ। Premor Kobita Images -

তোমাৰ বুকুৰ সেউজীয়া সেই সপোনবোৰৰ কথা কবা বুলি সদায় মই তোমাৰ অপেক্ষাত থাকো কিন্তু মই তোমাক কাষত নাপাওঁ। যেতিয়া কাষত নাপাওঁ সেই মুহূৰ্ততে মই এক নিজান নদীৰ পাৰত নদীৰ সতেই কথা পাতো। মোৰ আবেগ,অনুভূতি মৰমৰ এক এনাজৰীৰ কথা। আপোন আৰু হৃদয়হীন দিনবোৰৰ কথা এই দিনবোৰৰ মাজতে আছে এক হৃদয়ৰ সেউজীয়া সপোন এই সপোন এক সুন্দৰ বাঁহীৰ সুৰৰ দৰে। আহিবানে তুমি মোৰ কাষলৈ এবাৰ মোৰ সেউজীয়া হৃদয়ৰ সপোনবোৰ তোমাৰ হিয়াৰ ভিতৰত লিখিবলৈ। Premor Kobita Images -

মোৰ সেই এৰি অহা দিনবোৰ নদীৰ গৰাহত খহি যোৱা, এচপৰা মাটিৰ দৰে... কোনে জানে ??? মই কেতিয়াবা অধৈৰ্য হৈ পৰো, মোৰ সেই অকলশৰীয়া জীৱনটোক লৈ মই এতিয়া পাহৰিব খোজো... সেই স্মৃতিবোৰ...।। অ' মোৰ কিন্তু এতিয়া ভাল লাগে, মই যে নিসংগতাক সংগী কৰিছোঁ, হয়তো ই হব পাৰে মোৰ অনাগত দিনবোৰৰ দুখৰ অথবা সুখৰ ৰেঙনি ।। Premor Kobita Images -

যিদিনা তুমি আঁতৰি গৈছিলা নীৰৱে কান্দিছিলোঁ মই বিষাদৰ হেঁতেলিত বহি উচুপিছিলোঁ। ফাগুনী বতাহে আল্পনা অঁকা ধূলিয়ৰি বাটত এৰি গৈছিলা তোমাৰ পদচিহ্ন আৰু কিছু সোঁৱৰণি... এটি শেঁতা হুমুনিয়াহ ওলমি ৰৈছিল মাথোঁ বতাহ জাকত.... Premor Kobita Images -

তোমাৰ প্ৰেমৰ নামত মোৰ সেউতাত আজি মই নুবুলাওঁ মিলনৰ ৰঙা শাৰী উকা হব মোৰ সেওতা ইয়ে দিব আমাৰ ব্যৰ্থ প্ৰেমৰ সুবাস বিলাই ৰঙচুৱা বেলিটি অসীমত হেৰুৱাৰ দৰে মইয়ো নিজৰ মাজতে হেৰাই যাম অস্তিত্বও লোপ পাব অসীমত লাহে লাহে মোৰ প্রেম, প্ৰেম,প্ৰেম জানো এনেকুৱা ? Premor Kobita Images -

বৈ যাবলৈ দিয়া দুচকুৰে বৈ থকা নৈখনি দুখ নিদিবা তুমি হৃদয়ৰ সমস্ত ভাঙি মোহাৰি। ৰিঙিয়াই ৰিঙিয়াই মাতে আজি তোমাৰ দুবাহুৰ উমাল সান্নিধ্যই কত যে বেদনাৰ মাজত স্মৃতিৰ জোৱাৰ একমাত্ৰ মোৰ জীৱন বাসনা তুমি পাহৰি গলা ? তোমাৰ দুটি জীপাল উঠেৰে বিধ্বস্ত কৰা সেউজীয়া পথাৰৰ প্ৰথম বৰষুণজাকৰ কথা । মোক দুখ নিদিবা তুমি পাৰ ভাঙি বৈ যাব তোমাৰ উমাল পৰশ বিচাৰি। হেৰাই যাব চিৰদিনৰ বাবে সমুদ্ৰৰ বিশালতাত অথবা শূন্যতাৰ গভীৰতাত । Premor Kobita Images -

শীতৰ সেমেকা ৰাতি কঁপি কঁপি জুহালৰ কাষত বহি তোমাৰ ভাবনাত আপ্লুত হৈ পৰোঁ। চৰাই হোৱা হলে, তোমাৰ পদূলিৰ বিৰিখত পৰি তোমালৈ তন্ময় হৈ চালোঁ হয়... কোন বাৰু তুমি অনিন্দ্য সুন্দৰ তোমাৰ দুটি মৰমি নয়নে মোৰ মাজনিশাৰ সপোনকো চাৰখাৰ কৰে... তুমি যিয়েবা নোহোৱা মই মাথোঁ কম "তুমি মোৰ মাথোঁ মোৰ"... Premor Kobita Images -

মনত ফাগুনৰ বতাহ বলে তোমালৈ যেতিয়া মনত পৰে, পলে পলে, ক্ষণে ক্ষণে । কিয় বাৰু নুবুজা মোৰ হৃদয় ভাষা ? কিয় বাৰু নুবুজা মোৰ বুকুৰ বেথা ? সেউজীয়া সপোন এটা যে সাৱটি আছোঁ মই... । ৰৈ আছোঁ তোমাৰ বাবে তুমি আহাচোন মোৰ কাষলৈ, জুমি চোৱা এবাৰ বুকুৰ পজা তেতিয়াহে বুজিবা হৃদয়ৰ ভাষা নাজানো,কিয় তুমি থাকা দুৰে দূৰে...। মনেচোন নামানে মোৰ মনেচোন নুবুজে মোৰ... নদী হৈ বৈ আছা তুমি মোৰ মনৰ মাজত চেঙেলীয়া সপোন এটা বগাই ফুৰিছে... মোৰ দেহৰ ভাজত । Premor Kobita Images -

অলকাই আমনি কৰিছে                 চকুযুৰি দেখা নাই,     উজ্জলতাৰ পৰশ পৰিছে                                  গালত। কুণ্ডলে ভেকাচন ভাঙিছে                 কৰ্ণজুৰি দেখা নাই,     স্পন্দন ক্ষীপ্ৰতৰ হৈছে                        জুনুকাৰ মাতত। লজ্জিত চকুযুৰি তললৈ নামিছে               উঠদুটি দেখাৰ ভয়ত, শব্দৰ যোথবোৰে অভিনয় কৰিছে                  নিশাচৰী প্ৰেমৰ ভাঁজত। মোহময়ী ৰূপটোৱে ফুল ফুলাইছে                  ভাৱনাৰ শেষ হোৱা নাই, অভিমানৰ মালাগাঁঠি প্ৰেমৰ যমুনা বব                ভালপোৱা জনম জনম । Premor Kobita Images -